Thursday, 24 July 2014

నేను ఇష్టపడే నువ్వు...
నాకు అందనంత దూరం వెళ్ళినా...
నీ నుంచి దూరం అయిన నాకు
మిగిలేది కన్నీటి సంద్రమే కదా !
ఆ కన్నీటి తాకిడికి నీ
మనసు కరిగినా...
ముక్కలైన నీ రూపం
తిరిగి నా వైపు చూడలేదు
కదా.. నేస్తమా !!!

'ప్రయాణం'
     పరిణితితో చెందినది..
మలుపులు అనేకం..
పయనం ఒకటే...
ఆలోచనలు అనేకం...
జీవనం ఒకటే...
దారులు వేరు, దరి ఒకటే...
మనసులు వేరు, గమ్యం ఒకటే...
కలువ అందాలు నీ కనుల
                      సొంతమైనా,
వాటి వెనుక దాగున్నది
                      కాఠిన్యమేగా...
నా ఆశ్రువులు సంద్రమై నను
                     ముంచేస్తున్నా,
నీ చూపులు నను తాకవే
                     చెలి....
నా హృదయంలో ప్రవహించే
ఈ ఆలోచనా తరంగాలు,
వరదా వాహినిలా నను,
ముంచేయక ముందే,
నీవు సంద్రమై రావా...
నను సంగామించానీవా !!!
నీవు కలవై నను కవ్విస్తుంటే,
కనులలో ఉన్న నిను కలుసుకునేదెల !
నీ చిరునవ్వు చిరునామాగా వెతికినా,
నీవు నా కంట పడవేలా !
అనుక్షణం నను దహించక,
నా చేరువ కావా ప్రియతమా !!!